Salaam

  • Ae deen e haq ke rehbar
    Tum par salam har dam
    Mere shafee e mehshar 
    Tum par salam har dam
     
    Duniya-o-Aqhirat mein
    Jab mein rahoon salaamat
    Pyaare-e-padhoon na kyon kar
    Tum par salam har dam

    Is be kaso azee par 
    Jo kuchh guzar rahi hai
    Zahir hai sab wo tum par
    Tum par salam har dam

    Banda tumhare dar ka 
    Aafat mein mubtala hai
    Rehme habeebe dawar
    Tum par salam har dam

    Lillah ab hamari 
    Fariyad ko pahunchiye
    Be-had hai haal abtar
    Tum par salam har dam

    Koi nahin hai mera
    Mein kis se daad chahun
    Sultane banda parwar
    Tum par salam har dam

    Bulwa ke apne dar par
    Ab mujko dijiye izzat
    Firta hun khaar dar dar
    Tum par salam har dam

    Mohtaj se tumhare 
    Karte hein sab kinara
    Bas ek tumhi ho yawar
    Tum par salam har dam

    Apne gada e dar ki 
    Lijiye khabar khudara
    Kijiye karam Hasan par
    Tum par salam har dam
  • Ay saba Mustafa se kehdena gham ke maare salam kehte hein,
    Yaad karta hein tum ko sham-o-sahar, dil hamare salam kehte hein,

    Allah Allah Huzur ki baatein, marhaba Rung-o-Noor ki baatein,
    Chand jinki balaye leta hai, aur taare salam kehte hein,

    Jab Muhammad ka naam aata he, rahmaton ka payaam aata he,
    Lab hamare Durood parte hein, dil hamare salam kehte hein,

    Allah Allah Huzur ki ghesu, bheeni bheeni mahekti woh khushbu,
    Jin se maamur he fiza he so, wo nazaare salam kehte hein,

    Zaire Taiba tu Madine mein, pyaare Aaqa se itna kehdena,
    Aap ki gard-e-raah ko Aaqa, ghum ke maare salam kehte hein,

    Zikr tha aakhiri mahine ka, tazkira chird gaya Madine ka,
    Haajiyo Mustafa se kehdena gham ke maare salam kehte hein,

    Jalwa gahe shahe anaam hai ye, Unke roze ka ehtaram hai ye,
    Sabz Gumbad ko ajj bhi anwar, chand tare salam kehte hein

     

  • Mustafa Jane Rehmat Pe Lakhon Salaam
    Sham-E Bazme Hidayat Pe Lakhon Salaam

    Jab Hua Zofishan Deen-O-Duniya Ka Chand
    Aya Khilwat Se Jalwat Mein Asra Ka Chand
    Nikla Jis Waqt Mas’Oodey Batoha Ka Chand
    Jis Suhani Ghari Chamka Taibah Ka Chand
    Us Dil Afroz Sa’At Pe Lakhon Salaam

    Mustafa Jane Rehmat

    Jis Ke Jalwey Zamane Pe Chane Lagey
    Jis Ki Zousey Andherey Thikane Lagey
    Jis Se Zulmat Kade Noor Pane Lagey
    Jis Se Tarik Dil Jagmagane Lagey
    Us Chamak Wali Rangat Pe Lakhon Salaam

    Mustafa Jane Rehmat

    Lamaaka ki jabi bahre sajdha jhuki
    Rif-ate manzil-e-arsh-e-aala jhuki
    Azmat-e-qibla-e-dino duniya jhuki
    Jinke Sajde Ko Mehrab e Kaaba Jhuki
    un bhawo ki Latafat pe laakho salaaam

    Murshidi shah ahmed raza khan raza
    Faiz-e-yamekalat-e-hassa raza
    saat hum sab bhi ho zam zam khan raza
    Mujh Say Khidmat Kay Kudsi Kahain Ha Raza
    Mustafa Jaan-E-Rehmat Pay Lakhoon Salam

    Rehmaten Haqq Ki Hone Lagi Barishein
    Deen-O-Duniya Ki Lutney Lagi Daulatein
    Khol Din Jis Ne Allah Ki Hikmatein
    Woh Zuban Jis Ko Har Kun Ki Kunji Kahein
    Uski Nafiz Hukumat Pe Lakhon Salaam

    Mustafa Jane Rehmat

    Aur The Sahaba Mein Yun Aminah Bi Ke Lal
    Aur Jaisey Taron Ke Jhurmat Mein Badre Kamal
    Halqae Noor Mein Nayyare La Zawaal
    Aur Gird Mahe Daste Anjum Mein Darakhshan Hilal
    Badr Ki Dafey Zulmat Pe Lakhon Salaam

    Mustafa Jane Rehmat

    Aa Gaya Farsh Par Asmane Shafique
    Markaze Hashmi Khandane Shafique
    Mushfiqe Mushfiqan Ma Manane Shafique
    Ahley Islam Ki Madrane Shafique
    Banuwane Taharat Pe Lakhon Salaam

    Mustafa Jane Rehmat

    Ghunchae Baagh Judo Nawale Rasool
    Partawe Sham-E Jaho Jalale Rasool
    Jalwae Toor Husno Jamale Rasool
    Noore Jaan Itrey Majmua Aaley Rasool
    Sab Ke Aaqae Ne’Amat Pe Lakhon Salaam

    Mustafa Jane Rehmat

    Zaate Yakta Ke Un Per Karoron Durood
    Rabbe Kaa’Bah Ke Un Per Karoron Durood
    Haqq Ta’Ala Ki Un Per Karoron Durood
    Unke Maula Ki Un Per Karoron Durood
    Unke Ashabo Itrat Pe Lakhon Salaam

    Mustafa Jane Rehmat